Тайлбар

Алганы чулуу гэдэг нь хүний гарын алганд таарахаар мөлгөр болгож зассан чулууг хэлдэг. Алганы чулууг илүү гүнзгий бясалгал хийх, чулуугаараа алгандаа массаж хийх, стресс тайлах, чулуутайгаа сайн холбогдох хүсэлтэй хүмүүс хэрэглэхэд илүү тохиромжтой.

Хэмжээ

Эдгээр алганы чулууны хэмжээ нь уртаараа 5-6см орчим байна.

Утга

1. Лабрадорит: Том нь 5-6см урттай, жижиг нь 3-4см урттай. Монголоор хувилгаан гэж нэрлэдэг энэхүү чулууны туяаг эрт дээр үед туйлын туяанаас гаргаж авсан туяа гэж ярьдаг байжээ. Лабрадорит нь титэм хүрд болон мэлмий хүрдтэй холбогддог бөгөөд аураны хамгаалалтыг бэхжүүлэх шидтэй тул шидийн аргууд хэрэглэдэг, зөн совингоо тэлж сайжруулах хүсэлтэй хүн бүрт тохиромжтой.
2. Саран чулуу: Гайхамшигт төгс эмэгтэй энергийн илэрхийлэл болох саран чулуу нь эзэндээ зөн совин, эмэгтэйлэг увдис, бүтээлч чанарыг авч ирдэг гэлцдэг. Тэрээр үзэсгэлэн гоо, энэрэнгүй хайрыг мөн бэлгэддэг тул эмэгтэй хүнд заавал байх ёстой чулуунуудын нэг гэж үздэг ажээ.
3. Замагт мана: Эд баялгийг өөртөө татах, өөрийгөө үнэлэх чадварыг дээшлүүлдэг гэж үздэг. Энэхүү чулуу нь эв нэгдэл, нөхөрлөлийн чулуу гэж тооцогддог бөгөөд анхаарал төвлөрөл, тууштай байдал, тэсвэр тэвчээр, хичээл зүтгэлийг дэмжин амжилт гаргахад тусалдаг гэж үздэг.
4. Барын нүд: Хүний эд баялаг, урам зориг, гал эрч хүчийг эрхшээгч наран сүлжээ хүрдэд хүрч үйлчилдэг энэхүү чулуу нь эзэндээ эр зориг, цуцашгүй эрч хүчийг дууддаг. Нарны алтан шар өнгө нь амьдралд аз жаргал, урам зоригийг дууддаг бол, хар өнгө нь аливаа сөрөг энергиэс давхар хамгаалж өгнө. Урам зориг мохсон, гал цоггүй, ажил бүтэл муутай байгаа хүмүүст онцгой ээлтэй.
5. Наран чулуу: Нарны чулуу нь нарны энергитэй холбогддог бөгөөд гэрэл, эерэг энергийн хамгийн хүчирхэг эх үүсвэрүүдийн нэг юм. Нарны чулууны энергийг ашигласнаар та дотоод гэрэлд нэвтэрч, амьдралдаа илүү их баяр баясгалан, аз жаргал авчрах боломжтой.
6. Ногоон ундрам: Энэхүү чулууг азын чулуу гэж нэрлэдэг. Тэрээр эзэндээ аз хийморь, эд баялагийг дуудахаас гадна зүрхэн хүрдэд хүрч үйлчилдэг тул нигүүлсэнгүй хайрын энергийг давхар өөрөөсөө цацруулдаг. Ногоон ундрамыг шалгалт шүүлгэ, виз гэх мэт аз хийморь онцгой хэрэгтэй үед биедээ авч явах, аз хийморь болон эд баялагийн шишвлэгт нэмж ашиглана.
7. Хар обсидиан: Галт уулын хайлмагаас гарж ирдэг шилэн бүтэцтэй чулуу. Энэхүү чулуу нь хурц ирмэгүүдийг үүсгэдэг учир эрт дээр үед илд, жадны үзүүр зэрэгт хэрэглэдэг байсан ажээ. Иймээс ч сөрөг энергиэс эзнээ хамгаалж, аураны хамгаалалтыг бэхжүүлэн, элдэв атаа жөтөө, хорон муу үгс, биеийн хөнгөн өвчлөл зэргийг өөртөө хураан авж, энерги цэвэрлэж хамгаалдаг гайхалтай чулуу юм.
8. Аметист: Эрт дээр үед аметист буюу нил ягаан болор чулуу нь алмаз эрдэнээс ч илүү үнэ цэнтэй, зөвхөн хаад ноёдын хэрэглэдэг чулуу байв. Титэм хүрдэд хүрч үйлчилдэг энэхүү чулуу нь айдас түгшүүрийг дарж, зөн совинтойгоо холбогдоход тусална. Мөн давхар энергийн хамгаалалтыг бэхжүүлж өгдөг.
9. Судалт мана: Хамгаалалт, тайвшрал, дотоод тэнцвэрийг бэлгэддэг. Сөрөг энергиэс эзнээ хамгаалж, тайвшруулан төвлөрөхөд тусалдаг учир бясалгал хийхэд тохиромжтой. Мөн тэвчээртэй байх, ухаалаг шийдвэр гаргахад тусалдаг.
10. Цэцэгт мана: Гайхалтай эмэгтэйлэг энергитэй энэхүү чулуу нь эзэндээ бүтээлч, хүсэл бүтээгч энергийг дууддаг гэдэг. Аливаа ажлыг стресстэхгүй тайван байдлаар хийж бүтээх, хувь хүнийхээ хөгжилд анхаарах, хүслээ биелүүлэх хүсэлтэй, манифест ихээхэн хийж байгаа хүмүүст онцгой тохиромжтой.
11. Ногоон саран чулуу: Сэтгэлийн амар амгалан, зөн совин, эмэгтэй энергиийг бэлгэддэг зөөлөн энергитэй чулуу юм. Энэ чулууг зүүсэн хүн сэтгэл хөдлөлөө илүү тогтвортой авч явж, зөн совиндоо итгэж, дотоод мэдрэмжээ хүчирхэгжүүлдэг гэж үздэг. Мөн хайр, өршөөл, уучлалын энергийг дэмждэг тул харилцааг илүү зөөлөн болгоход тусалдаг.

Анхаар: Байгалийн чулуу учир чулуу бүр давтагдашгүй өөр өөр судал, тод болон бүдэг өнгөний оруулга, нүх сүв зэрэг "төгс бус" шинж чанартай байдаг тул зурагнаас бага зэргийн ялгаатай байхыг анхаарна уу!