Жин: 850 грам орчим.

Хэмжээ: 10см өндөр, 7см өргөнтэй.

Энергийн газардлага, байгаль эхийн энергиэр цэнэгжсэн энэхүү чулууг дахин төрөлтийн чулуу ч гэж нэрлэдэг. Өндгөн хэлбэр нь мөн л амьдралын тойрог, эхлэл төгсгөлийг бэлгэддэг.

Септариа чулуу нь арагонит, кальцит, болон шохой чулуун нэгдэлээс бүрддэг. Септариа гэдэг нь "септем" гэсэн латин үгнээс гаралтай бөгөөд долоогийн тоо гэсэн утгатай. Кальцит нь тод улбар шар өнгийн элементийг бүрдүүлдэг бол арагонит нь бор, шохой чулуу нь гаднах саарал өнгөтэй хэсгийг бүрдүүлдэг байна. Энэхүү чулуу нь эргэн тойрондоо тайвшрал, амар амгалангийн энергийг түгээдэг бөгөөд элдэв сэтгэлийн хямралыг багасгахад тусладаг ажээ.

Энэхүү гайхамшиг чулууны гол үүрэг нь хүний байгаль эхтэй холбогдох холбоог бэхжүүлж, байгаль эхийн ивээлд багтахад туслах юм. Чулууны энерги идэвхижсэнээр хүний үндэс хүрдэд шууд нөлөөлж, ​​энергийн урсгалын системээр дамжиж, улмаар хүний ​​дотоод бүхий л эд эсийг сэргээхэд тусладаг байна.

Септариа чулуутай энергиэрээ сайн холбогдож чадсан тохиолдолд хүмүүсийн амьдралд томоохон өөрчлөлтүүд гарж эхлэдэг гэлцдэг бөгөөд элдэв сөрөг дадал зуршил, худал итгэл үнэмшил зэргийг тавин явуулж эзэн сүнстэйгээ нэгдэх замналдаа ордог гэдэг. Тиймээс ч амьдралын томоохон өөрчлөлтүүдийг хүсч байгаа хүмүүст нэн тохиромжтой юм.

Энэхүү чулууг унтлагын өрөө, ажлын өрөө гэх мэт цагийг ихээхэн өнгөрөөдөг өрөөндөө биед ойр байрлуулахад тохиромжтой.

Байгалийн чулуутайгаа хэрхэн холбогдох вэ?

Юуны түрүүнд чулуугаа гэртээ авч ирээд арцаар эсвэл өөр бусад энерги цэвэрлэдэг ургамлаар утаж ариутгаарай. Ингэснээр таны чулуунд хүрсэн бусад хүмүүсийн энерги арилж сарних бөгөөд байгаль дэлхийгээс шив шинээрээ ирсэн мэт цэвэрлэгдсэн байх болно. Үүний дараа чулуугаа гартаа атгаж, нүдээ аниад чулуундаа утгын дагуу үүрэг даалгаварыг нь оноогоорой. Жишээ нь: ягаан болор чулуу авсан бол "надад хайрын зөөлөн энергийг авч ирээрэй" гэж шивнэнэ. Ингээд чулуундаа хүрсэн чигээрээ бяцхан бясалгал хийгээрэй. Ингэхдээ чулуу та хоёрын энерги цагаан өнгийн гялалзсан энергиэр холбогдож, чулуу тань баяр хөөртэйгөөр үүргээ биелүүлж эхэлж байна гэж итгээрэй.

Чулуугаа авсны дараа 7 хоногийн хугацаанд аль болох биедээ ойр байлгана. Ингэж байж чулуутайгаа холбогдох холбоо тань бэхжиж, тэр үүргээ сайн биелүүлэх юм.

Байгалийн чулууны арчилгаа

Та чулуугаа аль болох нарны шууд тусгалаас хол хадгалж байгаарай, учир нь зарим чулууны гайхалтай өнгө нарны тусгалд ганддаг шүү!

Чулуугаа хэр их ашигладагаас шалтгаалж сардаа нэг удаа эсвэл 2 сардаа нэг удаа гэх мэт тогтмол байдлаар энергийг нь үе үе цэвэрлэж байгаарай. Ингэхдээ мөн л ялгаагүй арц эсвэл бусад цэвэрлэгээний ургамлаар утаж ариулахад хангалттай.

Чулууны тань энерги суларсан мэт мэдрэгдэж байвал энергийг нь сэргээж цэнэглэхийн тулд тэргэл сартай үед цонхныхоо тавцан дээр тавьж хонуулах, уул усанд гарахдаа хэсэг хугацаанд хөрсөнд булж энергийг нь сэргээж байгаарай.

Байгаль эхээс бидэнд өгсөн бэлэг болох эдгээр хөөрхөн чулуунууд танд ашиг тусаа хүргэх болтугай, амжилт хүсье.