Сум хэлбэрт чулуун хүзүүний зүүлт

Материал:

Цэвэр байгалийн чулуу, төмөр

Хэмжээ:

Чулууны урт 2см орчим, зүүлтний урт 45+5см уртасгах боломжтой.

Хадгалах заавар:

Нарны шууд тусгалгүй, хуурай газар хадгална. Худалдан авалтын дараах эвдрэл гэмтлийг худалдан авагч хариуцахыг анхаараарай.

Чулуунуудын утга:

1. Ягаан болор: Нөхцөлгүй хайр, энэрэнгүй сэтгэлийг эрхшээгч зөөлөн энергитэй чулуу. Зүрхэн хүрдэд шууд хүрж үйлчилдэг тул эзэндээ романтик байдал, хайр дүүрэн харилцаануудыг дуудаж өгнө. Ширүүн ааштай, амархан ууралж уцаарладаг, бусдад итгэж чаддаггүй хүмүүст онцгой ээлтэй.
2. Цагаан болор: Энэхүү чулуу нь хүн төрөлхтний болон Гайа эхийн бүх дурсамжийг агуулдаг гэж үздэг. Цагаан болор бол мэргэн ухааныг хурцалж, тэр байтугай өнгөрсөн амьдралаа эргэн санахад тусалдаг гэж үздэг. Усан болор чулуутай адил хүсэл эрмэлзэлийг өдөөж өгөхийн зэрэгцээ тайван байдал, амар амгалангийн аураг хүний ​​энергийн орон зайд түгээдэг. Зогсонги байдлыг арилгах, бие махбод, сэтгэл хөдлөл, оюун санааны тэнцвэрт байдлыг хадгалж өгдөг чулуу юм.
3. Улаан хас: Үндэс хүрд болон хувилгаан хүрдтэй холбогддог энэхүү гал улаан чулуу нь эзэндээ дотоод хүч, эр зоригийг дууддаг. Бүтээлч байдал, үржил шимийг бэлгэддэг тул үр хүүхэдтэй болохоор төлөвлөж буй, эсвэл гараасаа олон зүйлсийг гаргах хүсэлтэй бүтээлч хүмүүст нэн тохиромжтой.
4. Ногоон ундрам: Энэхүү чулууг азын чулуу гэж нэрлэдэг. Тэрээр эзэндээ аз хийморь, эд баялагийг дуудахаас гадна зүрхэн хүрдэд хүрч үйлчилдэг тул нигүүлсэнгүй хайрын энергийг давхар өөрөөсөө цацруулдаг. Ногоон ундрамыг шалгалт шүүлгэ, виз гэх мэт аз хийморь онцгой хэрэгтэй үед биедээ авч явах, аз хийморь болон эд баялагийн шишвлэгт нэмж ашиглана.
5. Лабрадорит: Монголоор хувилгаан гэж нэрлэдэг энэхүү чулууны туяаг эрт дээр үед туйлын туяанаас гаргаж авсан туяа гэж ярьдаг байжээ. Лабрадорит нь титэм хүрд болон мэлмий хүрдтэй холбогддог бөгөөд аураны хамгаалалтыг бэхжүүлэх шидтэй тул шидийн аргууд хэрэглэдэг, зөн совингоо тэлж сайжруулах хүсэлтэй хүн бүрт тохиромжтой.
6. Номин: Ажил бүтээгч, харилцаа холбоог эрхшээгч хоолойн хүрдэд хүрч үйлчилдэг энэхүү чулуу нь танд бусадтай оноцтой зөв харилцаж, зөв үгс хэлж, үнэнээ айлгүй өчихөд тусладаг. Оюун билгийг цэвэр цэлмэг байхыг дэмжихээс гадна бусдын хэлсэн муу энергитэй үгсээс эзнээ хамгаалдаг гайхалтай энергитэй чулуу юм. Бусадтай харилцан ойлголцохдоо муу, бүрэг ичимхий, бусдад хил хязгаараа эрүүлээр зурж чаддаггүй хүмүүст онцгой ээлтэй.
7. Далматин хас:  Хүрэн, хар толбо бүхий болор суурьтай энэхүү чулуу нь таныг хөгжилтэй зан чанартайгаа дахин холбогдоход тусалж, амьдралаас таашаал авах сэдлийг нэмэгдүүлэх бөгөөд хөнгөн, хөгжилтэй байх нь зөв гэдгийг сануулдаг маш сайхан энергитэй чулуу юм. Энэ чулуу нь сэтгэлийн хямралыг даван туулж, амьдралдаа гацсан мэдрэмжээс ангижрахад тусална. Мөн үнэнч байх, тууштай байх хийгээд гэр бүлийн харилцааг бэхжүүлдэг нь үнэнч зан чанараараа танигдсан Далматин үүлдийн нохойтой төстэй юм. Энэ чулуу нь амьтдад ээлтэй тул амьтадтай харьцдаг хүмүүст тохиромжтой чулуу юм. 
8. Барын нүд: Хүний эд баялаг, урам зориг, гал эрч хүчийг эрхшээгч наран сүлжээ хүрдэд хүрч үйлчилдэг энэхүү чулуу нь эзэндээ эр зориг, цуцашгүй эрч хүчийг дууддаг. Нарны алтан шар өнгө нь амьдралд аз жаргал, урам зоригийг дууддаг бол, хар өнгө нь аливаа сөрөг энергиэс давхар хамгаалж өгнө. Урам зориг мохсон, гал цоггүй, ажил бүтэл муутай байгаа хүмүүст онцгой ээлтэй.
9. Хар обсидиан: Галт уулын хайлмагаас гарж ирдэг шилэн бүтэцтэй чулуу. Энэхүү чулуу нь хурц ирмэгүүдийг үүсгэдэг учир эрт дээр үед илд, жадны үзүүр зэрэгт хэрэглэдэг байсан ажээ. Иймээс ч сөрөг энергиэс эзнээ хамгаалж, аураны хамгаалалтыг бэхжүүлэн, элдэв атаа жөтөө, хорон муу үгс, биеийн хөнгөн өвчлөл зэргийг өөртөө хураан авж, энерги цэвэрлэж хамгаалдаг гайхалтай чулуу юм.